تعالي هنا واحكي لنا عن اول طبخة لــــك

[إكليل الجبل]

[فقط الأعضاء المسجلين والمفعلين يمكنهم رؤية الوصلات]


اليوم عندي موضوع ..جاء في جعبتي وانا اتصفح الموقع ..



كل وحدة تجي وتحكي لنا عن قصتها في اول طبخــــــــــة لها ..

اكيد كل وحدة عندها موقف طريف او جاد او غيرها من المواقف

فهيا لا تبخلي علينا بموقفك ..




في انتظار قصصكن ...

[وهج الشموخ]

اول طبخه
امممممممممممممممممممممممم


كنت جوعانه واخواني كذلك المطبخ ماعمري دخلته وطبخت
والوالده مسافرة وخواتي ايضا

قلت ادخل واجرب طلعت الدجاج عشان يذوب

وبعدين قعدت انزع الجلد وانا متقرفه
بس للضرورة احكام
ولما جيت اقطعه لقيت فيها دم

وعلى طوووول قطيته في الزباله
خرباان فيه دم


هههههههههههههههه

[أم حمدة]

الله يعطيك العافيه

جزاك الله خير

[ام البدر]

موضوع رائع منكِ أكليل الجبل ...

ويستحق التثبيت ....

وبالتأكيد لي عودة لموضوعكِ ....لكتابة بعض المواقف المطبخية الطريفة ...

[إكليل الجبل]

في انتظار مواقفكن ..

[.. ام عبدالله ..]

السلام عليكم ورحمة الله وبركاته

كيف الحال

بصراحه الموضوع حلو وانا كنت افكر انزل مثله

بنات اربطو الاحزمه واستعدو للانطلاق في اول رحله على مكوكي الخاص


اول تجربه لي في الطبخ

كنت في رابع ابتدائ وامي الله يرحمها كان عندها موعد في المستشفى

وانا ما رحت للمدرسه حتى اجلس عند اخواني الصغار

وقلت بسوي الغداء وبخليها مفاجاه للجميع

وجلست افكر وش اسوي لهم ابي شي مميز ويحبونه

بعد مده من التفكير قررت اعمل معكرونه بالباشمل وسلطة فتوش وبسوي شاي وقهوه

بديت بالشاي والقهوه

الشاي بسيط وسويته بس كان السكر كثير شوي

القهو ماني عارفه كيف اعملها وسويت القهو التركيه واذا بتقولون ليه القهوه التركيه

كنت توني ماخذتها من اسبوع في الاقتصاد المنزلي جبت القهو المحموسه الجاهزه وحمستها زياده

حتى احترقت وعملتها

الفتوش

قطعت الخس والطماطم والخيار والفلفل وكل شي كان موجود في الثلاجه

وحطيت الخل والملح وزيت الزيتون بس باقي الخبز ماني عارفه كيف اخلي لونه يتغير ويصير يابس

جلست احوس وافكر شوي اقول بحط قرصان (( خبز الثريد )) شوي اقول بكسر شابوره

وكل ما طلع في راسي حاجه قلت ما راح تصلح المطلوب خبز بس كيف اسويه

تذكرت مره اني كنت اسخن لي خبزه بالفرن ونسيتها واحترقة وصارت يابسه

فقررت اعمل الخبز بالفرن بس بانتبه له حتى ما يحترق ودخلت كيسة خبز كامله خمس خبزات

وكل شوي افتح الفرن واقلب الخبز لحد ما صار يابس والون كان جهه فاتحه وجهه غامقه

طلعته وانا فرحانه بالانجاز

والحين جا دور تقطيعه مربعات ما عرفت كان يتكسر كسرته بيدي وحطيته على السطله

وطلع الخبز كثير والسلطه شوي جلست اطلع من الخبز وازيد في السطله

لحد ما سويت سلطه تكفي كل الجيران


معكرونة الباشمل

هذي ابسط منها واسرع منها مافيه

طلعت الحم المفروم وطبخته وحطيت عليه بصل وحمرته شوي وحطيت مكعب ما جي وشوي بهارات

وعملت الصلصه البيضا حطيت ثلاث كاسات حليب السعوديه وعلى كل كاس ملعقة نشاء

وشوي ملح وزبده وشفتها خفيفه و حطيت ملعقه رابعه للخلطه

جبت الصينيه وكيس معكرونه

وفتحت الكيس وكتيت المعكرونه في مشخال وسط وغسلتها كذا مره >> من الدلاخه افكره ينغسل مثل الرز

وكنت اغسله بماء حار ابي انظفه زين

بعد الغسيل حطيتها في قدر وكتيت عليها شوي من البشامل وقسمة المعكرونه قسمين حطيت النص في الصينيه

وعليها الحشو وبعدها باقي المعكرونه وبعدين الصلصه وكانت شوي

ابي شكلها يكون مثل حقت امي الله يرحمها تجي مثل الكيكه والصلصه الي فوق مغطيتها جلست افكر

واقوم بسرعه واجيب ثلاث بيضات واخلطها زين واحط عليها ثلاث ملاعق جبن كرافت سايل وملعقة باكنج بودر

واكتها فوق المعكرونه والصلصه البيضاء

وادخلها بالفرن واشغل الفرن من تحت واجلس كل شوي افتحها وادخل الملعقه فيها ابي اشوف انشفة >> متاثره بالرز

بعد ما تبخر كل الي فيها شغلت الفرن من فوق وحمرتها وطلع كذا منطقه بني غامق


والله تعبت من الكتابه

بنات وش تتوقعون صار في اهلي بعد هالمائده العامره وايش كان ردود افعالهم

[فيتامين]

بصراحه

موضوع حلو


ههههههههههههههههههههههههه

ومواقفكم تونس هههههههههههههههههههههههههههههههههههههههههههههههه



قولي لينا ايش ردود الاهل على سفرتك ؟؟؟؟؟؟؟؟؟؟؟؟؟؟؟؟؟؟؟؟؟؟؟




انا عندي مواقف كثيرة انتظروني اكتبها وانزلها



( :




وان شاء الله تستمتعون بواقفي


وتسوسعون صدركم معي


( :

[إكليل الجبل]

ههههههه ...

ام عبد الله ...

ياحليلك من يومك صغيرة تطبخين .. شكلك سنـــــعة ما شاء الله تبارك الله ...


في انتظار ردة فعل أهلك ...




أسيرة الصمت .. في انتظار مواقفك ..

[وهج الشموخ]

ام عبدالله




لا تتاخرين علينا ابي اعرف ردة فعل اهلك


ياحليلك تطبخين وانتي صغيرة اجل احسن مني
انا للحين مااعرف اسوي غير المكرونه
المطبخ ماادل طريقه
بس شكلي بحاول اجرب طبختك

[ام سيف]

موضوع رائع منكِ وهج الشموخ

ليش الفضايح على العموم لى عوده وبخبركم عن اول طبخه وكانت في بداية زواجي

[ام البدر]

ماشاء الله عليكِ ..أم عبدالله ...
ونبي نعرف كيف ردود الاهل ...أتوقع تشجيع أو لا ...

ونتشوق لسماع مواقف الاخوات ...

[ام البدر]

أذكر موقف لي كان وانا صغيرة ....وهو مع الكيكة ...

وكنت يمكن سادس ابتدائي , وكنت أحب اطبخ ,اجرب بنفسي ...
المهم اذكر جيت اسوي كيكة وسويت المقادير من راسي ...( مافي نت ...ولا كتاب طبخ عندي وقتها )

وكيف طلع شكله ...مضغوط ضغط وملفي داخلها هواء ولا نفشت .. وما انسى شكلها بمخيلتي الى الان .

ومرة جيت أسوي ماكرونة بالصلصة ...

ومشيت خطوة خطوة بما في الوصفة ...المهم أذكر ان كاتبة الوصفة كانت تقول ثم نضع الصلصة على الوجهه ...ورحت أفتح لي علبة صلصة طماطم ....وامسح على الوجههة ..وتركت صلصتي اللي وصفتها على جنب ...

وادخلها للفرن ...والا وأفكر ليه ...ماقلت الطاهية عن متى نضع الخلطة ....
وفهمت فين الغلط ..بعدها عرفت ان فيه صلصات انواع واشكال ...


هذي المواقف كانت وانا بالابتدائي ...


نجي للي بعده ...
أذكر اني مرة شفت طريقة بالتلفزيون ..وانا بالمتوسط وجيت الا باطبقها ..قلت لازم اسويها ...
وبديت اقطع الخضار واحضر المقادير ...
ولما كنت أقطع الخضار تعرفوا الجزر شوي قاسي ..ويبي له قوة ...وانا مافني حيل ....المهم جيت ابي اسوي له اشكال ....الا واجرح احد اصابعي ...انتهت بي الى الطوارئ ...وعملو لي ثلاث غرز ...
بعدها ابدا ..امي ما تخليني اقطع شئ ولا لحمة لا خضار .
صارت تقول الا فلانة ماتمسك السكين ....عطتني أجازة لحد ما تزوجت ...


هذا ما استطيع اكتبه لكم الان ولي عودة

ودمتم

[وهج الشموخ]

ياحبايبي
في غلطه مطبعيه الموضوع للاخت اكليل الجبل
موموضوعي
لذا حبيت انبهكم وشكرا

[ام البدر]

مشكورة على التنبية وهج الشموخ ...وفعلا هي غلطة مطبعية ....لكتابة الاسم ...

الاعتذار لصاحبة الموضوع ....اكليل الجبل وتم التعديل ...

[إكليل الجبل]

نور الموضوع بردودكم ..


الحمد الله اعرف اطبخ زين .. بس موب مرة ..

بس احرق الطبخة .. ولاّ انسى اضيف سكر او ملح ..


في انتظار مواقفكن ..

[.. ام عبدالله ..]

السلام عليكم ورحمة الله وبركاته

نرجع للحلقه الثانيه من اول طبخه ليه

واسفه على التطنيش الي كان غصب عني

بسم الله نبدا

اول من رجع للبيت اخوي الكبير وشم ريحتة القهوه التركيه

وانتم تعرفون كيف تكون ريحت البيت على طول دخل المطبخ وقال وش مسويه

اليوم الي يشم الريحه يقول داخل مطعم وانا شفت نفسي شوي عليه

وقلت اصبر شوي لحد ما يجي الباقي بعد ما اجتمعو قدمت لهم الشاي والقهوه

والوقت مو وقتها وقت الغداء بس ابي اكشخ عليهم شوي محد شرب من القهوه الا امي الله يرحمه

وابوي الله يطول في عمره الشاي شرب منه الكل

قبل ما ينتهون من القهوه قمت اجهز الاكل

وقلت تفضلو الشكل كان شهي بس الطعم الله لا يوريكم

اخوي الكبير غسل اشراعي قال ليه تطبخين وانتي ما تعرفين وبعدين وش هالمعكرونه كسرتي اسناني

وعذرب في كل شي حتى كلمت شكر ما سمعتها

اخوي الي اصغر منه ما كمل وجلس يضحك علي وعلى طبخي وقال انا بجلس عند التيلفون حتى اذا صار

لكم اكلم الاسعاف على طول حتى يسعفونكم بسرعه

امي امدحت الطبخ واجلست تدعي لي وتغصبت شوي من باب التشجيع و ما خلت اخوي الكبير اغسلت اشرعه بعد

بنات ادعو ان الله يرحمها ويوسع عليها في قبرها ويرزقها الجنه

ابوي ما قال اي حاجه بس التعابير الي كانت على وجهه تدل على ان الاكل مو عاجبه بس اكل من السلطه

اختي الي اصغر مني اف كانت معجبه بالي سويته تقول ياحضك تعرفين تطبخين وتسوين شي كانه جاهز

كانت غشيمه وقتها ما تميز بين العدل والي مو عدل

اخواني الصغار لليوم مو ناسين شكل المائده العامره اتوقع ان شكل السفره وترتيبي للكل هو الي معجبهم

وعلشان كذا للحين يتذكرون

وابشركم عد ذاك اليوم على خير من غير اي خساير في الارواح

[.. ام عبدالله ..]

نجي حق اهم طبخه في حياتي والي من وراها جاني كسب مادي كثير

من سنه خامس من المرحله الابتدائيه تعلمت البيتزا من جاره لنا الله يذكرها بالخير

كانت ساكنه في بيت عمي الدور الثاني بجنب بيتنا وكانت مدرسه واذا عندها مشوار خاص

او عزيمه وتبي احد يهتم في ولدها وبنتها تكلم امي وتستاذن منها حتى اجي واجلس عند اولادها

كنت اشوفها كذا مره تعمل البيتزا وفي ذاك الوقت تو البيتزا باديه تنتشر مو الكل يعرفها

كل ما راحت تسويها اروح وراها واجلس اراقبها لحد ما تسجلت عندي في الذاكره

قلت مره بجرب واسويها على فكره هي الوحيده الي كانت تعمل البيتزا وبر الوالدين في الحاره كلها

عجنت العجين وتركتها تتخمر وعملت الحشوه بس ما زبطة معاي العجينه ما كنت اعرف افردها وما تجي مثل

عجينتها هشه وجلس كذا يوم اقلبها في راسي

وراسي كان يابس مابي اساله كيف ولا اطلب منها تعلمني كنت ابي اقول انا الي مسويته مابي اقول احد معلمني

بعد كم محاوله قررت اني اخلي الجينه رخوه شوي اثقل من عجين الكيك واذا تخمرت اصبها في صينيه

واحط فوقها الكتشاب بعد ما اخففه بشويت مويه لان اول مره ما كان سهل في توزيعه فوق العجينه

وبعدها ارش الفطر والفلفل والبصل والخلطه كلها وفي الاخير الجبن

واطلعت شي خطير والطعم اف الكل يتكلم عنها لليوم ورمضان الي فات وحده من ربع امي الله يرحمها كلمتني وقالت

انها مشتهي بيتزتي القديمه مش المطوره وسويتها واخواني اليوم الي بعده نفس الشي قالو اشتهيناها بعد واسويه

وسويتها كذا مره

المهم صارت كل وحده من الجيران تكلمني وتطلب مني اعمل لها بيتزا حق قهوة الحريم اذا كانو عندها او حق جمعت اهل زوجها وكل وحده تقول لا تقولين لاحد اني طلبت منك وانا اقول إن شاء الله وكل وحده تعطيني فلوس

من عشره وطالع اكثر وحده كانت زوجت عمي لاني كنت ما استحي منها واخذ على الصينيه خمسين >>> كنت وقتها اطلق من بيتزا هات مع انها ما كانت معروفه في ذيك الايام

ولما صارت الفلوس كثير عندي واقدر احصل عليها وقت ما ابي صرت اكشخ على زميلاتي في المدرسه كل كم يوم

شنطه جديده او مقلمه او دفاتر حركات والوان حركات ويا كثر المرايل الي فصلتها وقتها

كنت مبذره صغير

واستمر مشروع البيتزا من سنه خامس لحد ثاني متوسط في ثالث متوسط كان معي باقي من الفلوس الي كنت اخذ من الحريم ونزل الشنط الي كانت طقم مع المقلمه ومعها كذا شي ماني متذكره وكانت تنباع في جرير اشتريت لي وحده على النصف الثاني من الدراسه كانو البنات حاسديني عليها واكثرهم شايفها وعارف سعرها ويقولون كيف ابوك

رضى واشتراها لك احنا ابوانا مو راضين يشترون لنا منها وانا جلست اتفشخر عليهم وازعط واقول اي شي ابيه يجيبه

لي ابوي وما يقصر باي شي وهالشانطه هو الي كان مصر يشتريها وانا ما كنت معجبتني كثير

ما شافوني انا وابوي في المحل والمعركه الي صارت بيني وبينه ما وافق الا بعد ما قلت له افلوس وانا حره فيها اشتري فيها الي ابي وقتها سكت وانا خذيت من باب العناد فيه ووتحسفت على الفلوس الي اندفعت فيها

وبس هذا الي عندي وإن شاء الله اكون خفيفه على قلوبكم وعلى عيونكم ادري انها بتتعب من القراه بس معليه

والسلام عليكم ورحمة الله وبركاته

[وهج الشموخ]

هههههههههههههههههههههههههههههههههههههههه
هههههههههههههههههههههههه
ماني قادرة اوقف ضحك
بطني هههههههههههههه
الله يقطع ابليسك زين ماصابهم شي وماصار خسائر في الارواح
احلى طبخه
ههه

[وهج الشموخ]

:s47:
ههههههههههههههههههه

:s47:
:s47:
ام عبادي والله انك موهينه مسويه تجارة بالبيتز اه يابطني
ماشاء الله عليك نفسي اذوق البيتزا القديمه من ايدينك
الله يسعدك يالغاليه

[ام البدر]

ماشاء الله عليكِ أم عبدالله ...

وأكتبي لنا طريقتكِ ...ولو بعد تصوريها يكون أفضل ...

نفسي اشوفها ..يمكن تكون افضل من بتزا هت ....ويمكن تفتحي لكِ محل معنا برواء ...

بس تعالي حطي لنا الطريقة بحذافيرها ...شوقتنا لطبخاتكِ القديمة والجديدة ...

شكلكِ راعية بيت ..ماشاء الله ..

الله يبارك فيكِ غاليتي ..وف يانتظار وصفاتكِ ...

[رحيق المودة]

ههههههه

الله يسعد قلوبكم يا جماعه

وتسلمين يا أم عبد الله على المواضيع الزينه هذي

أول لطبخه لي..

كانت في رابع إبتدائي

أول ماخذينا إقتصاد منزلي


لبست المريول ودخلت

وسويت شوربه

بس والله العظيم


طعمها للحين بفمي


أتذكر كيف كانت


صحيح لقيت مساعدات يمين وشمال


بس في تغسيل الصحون وشيل القدر


لكن الباقي أنا


ومابقى منها شي


كلها خلصت


والحين ودي أعرف وشلون طريقتها مو قادره


أذكر أني حطيت نشا وحليب وشوية مكرونه سبكيتي


محبتكن في الله ... رحيق

[إكليل الجبل]

ههههههههههههههههه

ام عبد الله ... الله لا يحرمنا منك ومن مواقفك ...



بس لا تنسين .. البيتزا عطينا طريقتها ...


رحوقة .. نور الموضوع بردك ...

[روانا]

هلا أم عبود .. وش هالحركااات .. ههههههههههههههههههه

أنا صرت مثل وهوجة بطني مادري وش بلاه من الضحك ولا من البيتزاا



تسلمي ياعيوني على خفة الدم الله لا يحرمنا منك


بانتظاركم يابنات محتاجين نضحك >>>> عندنا في فقر في خاصية الضحك


الله يوسع صدوركم بالمحبة والطاعة يارب


محبتكم : روااناااا

[وهج الايمان]

السلام عليكم

ههههههههههههههههه


يحليلكم انتو وابداعاتكم

خخخخخخخخخخ


احم احم اليوم رااح

افضح سري الجديييييييييييم ..

اول طبخة لي كااانت عشــا

الماما كانت مو موجوده وانا جعت

فقلت قومي وصيري حرمة وسويلك عشا

الموهم دشيت على المطبخ وعيوني تتطاير منهاا الشرار

شنو اسوي


اممممممممممممممم

ابطل الثلاجه

واطلع هلأشياء الموجوده

يعني من جد الحمد لله واللشكر

طلعت طماطم احين يقطعاااا شلون

قمت اقطع نص والنص الثاااني ارمية ^^^ كنت صغيره ^_^

الجبنة من علبتهاااا احط عليهااا الزيت تبعااا


عفست الدنيااا

ولكن العفسة كلهااا صارت بالزباااله

عشان ماحدااا يكتشفهااااا

بس اخر شي تعشيت ولله الحمد ...