المساعد الشخصي الرقمي

مشاهدة النسخة كاملة : ...:::.. كل يوم حكايه ..:::....

كلمة
19-Dec-2005, 12:14 AM
هلا والله بالغالين جميعا

والله ودي أدردش معكم شوي وأفضفض ... وأنفض كل ما عندي

صراحة يا صديقات يا حبيبات كل يوم لي سالفة مع طالباتي .. طبعا الكسولاااات :mad:

اختكم في الله كلمة ... حليله مرة لكن المثل يقول : اتق شر الحليم إذا غضب

ابقول لكم شيئ من هالسوالف اللي تمر علي مع بنيات المسلمين

هذا الترم طبعا أحب أتفنن شوي مع البنات ... يعني مثلا أطلب منهم بعض الأعمال البسيطة بحيث

ياخذوا عليها درجات ويستفيدون بالمره ...

فمثلا وزعتهم مجموعات <<<< مقموعات

قلت : شوفن أحد يسوي لي مجموعة متنوعه من أجنحة الحشرات

وناس أبي يسوون لي مجموعه من أرجل الحشرات ... وناس يسوون لي قرون استشعار ....

وناس ابيهم يسوون مجموعه حشرية متكاملة طبعا على حسب ما شرحت لهم من رتب وشعب الحشرات

ايييه يا الصاحبات ...

البنيات الممتازات .... يركضون ركض .... لين ما جابوا لي المطلوب ... ما تتخيلون وشلون ودي أعطيهم

مهب عشر درجات ولا عشرين ودي أعطيهم المائة درجة مررره وحده .... بس طبعا صعب ... مهب بيدي


المهم الترم طار .... ودارت الدنيا باهلها ...

والامتحانات صارت على الأبواب ... طبعا العلمي ..

جوني شلة من البنات .. الكسولات ...

( استاذة مالقينا حشرات ) ... واللي تقول ( أنا لقيت نملة بس ) ... واللي تقول ( انا لقيت ذبانه )

طيب حاولت اتمالك نفسي

قلت : اوكي خلاص ... انتي يا فلانه سوي كذا وكذا بالنملة ...

وأنتي اللي معاك الحشرة الفلانية ... افصلي منها كيت وكيت ..

تجيني الاجابات

(((( هاااااااه .... ما نعرف ... استاذة خوذيهم انتي سويهم ....))))

يا سلالالالالام الدرجات لي ... أو لكم من اللي يبي يستفيد أنا أو انتم ؟؟

بعد المشادة ... بغيت أطير روسهم بس قلت : بكرى انسجن بسبتهم ... لا والله خلينا نصبر يا معوده

صبرت ... بعدين جابو لي اعمال مثل وجيههم ... رميتهافي الزبالة ...

:(



انتهينا ...

جتني سالفة ثانية ....

دائما أقول للبنات :

يات بناتي يا حلوات ... أبي منكم كل مرة أدخل عليكم ترسمون معي وتكتبون تصنيف كل حشرة معي

والدفاتر في نهاية الترم أبشوفها ... يالله عشان ممكن احط عليها درجات ..

تعالو شوفو البنات الممتازات .... كشاكيلهم تبرد القلب ... احس بسعاده وانا اتصفحها ...

المهم

جتني وحده متأخره ... قالت : اممممم .... استاذه ... دفتري ناااااقص ....

قلت : بعدين

قالت : اممممممم .... أبي دفتر اكمل منه ..

قلت : زين ... دفتر فلانه الفلانية ممتاز وحلو ... خذيه وكملي منه

قالت : شلووووون ؟؟؟؟؟؟

قلت : :mad: ... وشو اللي وشلون ؟؟؟

قالت : يووووه كثيييييييير الرسم ؟؟

قلت : قدامك وقت ... وهذا المهمل ... وش اسوي فيك ؟؟؟

قالت : طييييب ممكن أصور دفتر زميلتي وتحطين لي درجه ؟؟

قلت : اوكي صوري دفتر زميلتك عشان احط لك صفررررر

قالت : لالالالا اسفه امزح ..!!



أووووف ... فعلا أنواع القرف :(

ما أدري مالذي أصاب بناتنا ... كانهن مجبرات على الدراسة ... ليس هناك أي حماس للعلم أو طلب العلم

يبحثون عن الدرجات والنجاح فقط .... وعلى ماذا ؟ على جهد وتعب الآخرين ...!!!



احدى الزميلات ... اعرفها جدا هادئه ومؤدبه ... تكبرني بكثير .... وسبق وأن كنت طالبة عندها

جائتني ذات يوم ... يبدو من ملامح وجهها ان هناك من أغضبها

قلت : سلامات ؟

قالت : ابدا بس الطالبات الصراحة يرفعون الضغط ... يسألون أسالة قمة في الغباء ..

قلت : ليس غباء والله ... بل استغباء .... لأنهن يقصدن اثارتنا فقط ...!!!

....



للسوالف بقية ....كتبت هذا على عجل

انتظروني

محبتكم



كلمة
جرااح القدس
19-Dec-2005, 07:16 AM
أسعدك الله يااكلمة وأضحك سنك ...والله ضحكت من قلب ..والله يعيييينكم على هالبنيااات ...والله يرفعووون الضغط والسكر ...بس مصيييرهم ويتعلموا ....ويحسوا أهمية هذا العلم ...

وفقك الله أخية وأرحب فيك بقلبي لأني أول مررررة أقرأ لك موضوووع ...

محبتك....
روانا
19-Dec-2005, 02:13 PM
هلا بالغلا كله


هلا باستاززززززة كلمة قصدي الدكتورة كلمة بإذن الله


والله اشتقناااا لك .. ومرة موضوع مشوق ورائق وحلو


واي على أيام الدراسة

والجلسة على الكراسي



طيب انفع الحين أجلس على كراسي البنات عندك ؟؟؟




تسلمي ياقلبها روانا



..

معك اتابع واتابع ياحبي



..استمري .. لا تغيبي تيب


..
دانه
19-Dec-2005, 03:08 PM
الغاليه كلمه ,,,,

الله يعطيك العافيه صج تعب وهم ,,,

الله يعينكم شي التدريس ,,,,

في انتظارك ,,,,
رحيق المودة
19-Dec-2005, 10:31 PM
*8

هلااااااااا وغلا بكلمه

أنا من زمان أنتظرك .. وأنتظر مشاركاتك .. ياغاليه


[فقط الأعضاء المسجلين والمفعلين يمكنهم رؤية الوصلات]

*

أهااااه

ياليتك تدرسيني .. ياكلمه

أحنا معيداتنا نشحتهم شحاته .. كأننا طرارين محنا طالبات

وينظرون لنا كأننا حشرات (((مع أننا كيمياء )) يعني مفروض تنظر لي

كأنني عطر ... أو شحنه من الألكترونات .. يعني يمكن أسكت وأسكت بس بعدين بضرب ألتماس في وجهها

ههههه

ونفوسهم في خشومهم مدري ليه ... الله المستعان

الكل يشتكي

الله يعينك على بلواك ويعنا على الي عندنا

******

صراحه البنات الي درسينهم مفروض يحمدون ربهم .. ويقدرون النعمه الي هم فيها

تصدقين.. اليوم أمتحنت ماده أسمها ديناميكا

وجابت لنا شي ماشرحته

وأنا من فلاحتي ... رحت وسويت زي ماهو مكتوب في الدفتر ((يعني قص ولزق)))

***

الواحد مفروض ينتهز الفرصة إذا جات لحدة عنده ...يعني أنتي شارحتلهم

وبعد موزعه العلامات يعني مو كل العلامه على أمتحان المعمل .. أيش يبون أكثر من كذا عز..

ما عندهم سالفه!!!!!!!

وأصلا الله مايرضاها (( إن عمل أحدكم عمل فليتقنه))

**
ومشكوووره يالغاليه..

لاطولين الغيبات علينا

محبتك في الله رحيق

*****
كلمة
21-Dec-2005, 12:58 PM
يا هلا فيكم والله جميعا ...

حبيبتي رحيق المودة ...

لو تدرين إني أعاملهم كانهم خواتي أو صديقاتي ..

وفيه عدد من البنات تخرجوا ولا زالوا يتصلون بي بين الفينة والأخرى ...

يعني العلاقات فاقت ( علاقة بين استاذة وطالبة ) ... بل اصبحت زمالة او سميها صداقة ..

والله اني اشوف زميلات لي ما يرونهم شيئ على قولتك يحتقرون الطالبات... وانا ما أحب الحركات هاذي

لأننا جميعا جايين المكان هذا نحب نتعلم فقط ..

ولا تتخيلي الطالبات الممتازات كيف يحبون المادة .. وينسجمون وانا اشرح لهم ..

وتعالي شوفي آدائهم في الامتحان .. صراحة فعلا يستاهلون كل خير ..

$$$$

الله يعين :)

مشكورين خواتي على التفاعل

.
.
.
مبحتكم

كلمة