ناخيتكم

[انيسة الروح]

السلام عليكم ورحمة الله وبركاته ...


اليوم جيتكم ياروائيات قلبي ابي منكم مساااااااااااااااااعده ؟؟؟

وأتمنى ماااتفشلونن ....

انا عندي عزيمه وابي اكلات حلوه وغريبه ولذيذه مو شرط تكون دسمه ...

العزيمه الثلاثاء او الاربعاء بس ودي ابدى بشغلي بدري علشان ارتااااااح,,,


نخيتكم ياروائيات............

[رياح الصَبا]

ابشري أنوسه والله مانردك ...

بس قولي أنتِ لو جنبنا بالرياض نوصلك لحد البيت والله ..!!

اللي فهمت أنكِ تبين حلا ...غريب ..

أنا كثير أسويه حلا الأصيص ..أذا ماتعرفينه خوذي الطريقه ..

أصيصات الفخار الصغيره تحصلينها عند محلات الفخار ..


وأذا تبين اوريك صورتها ...



1- تحطين في الأسفل بسكوت (جوزاء بالشكولاته ) مطحون
2- على النار ::

شوكولاتة مارس
ربع اصبع زبده
ملعقة من زبدة الفول سوداني

أذا ذابت حطي فوقها ::
علبة قشطه
ظرف كريمه
حتى تذوب معا ..

ثم فوق البسكوت في الأصيص ..وبالثلاجه

وإذا بردت اخلطي بالخلاط 8حبات جبن كيري
ونصف علبة نستله ..

وتصير كطبقة ثالثه ..

ثم رشي باقي البسكوت المطحون ..وزينيها بورقة نعناع ..

وبس ......... أنفع للطبخ ..!!! :s1:

أذا ماعرفتي الأصيص بامكانك استخدام كاسات عصير ملونه..


هذا ماأسعفتني به الذاكره ..لو تذكرت شيئ رجعت ..



ولعيونك أنوسه ....

[انيسة الروح]

مشكووووووووووووووره ألف شكررررررررررررر
يا قلبببببببببببببببببببببببببببببببببببببببببببببببب ببببببي وماتقصرين
والله شكله لذيذ

يس يا قلبي انا قصدي العشاء

لان طريقتنا انا واهل زوجي كل اسبوع على وحده العشاء والاسبوع هذا علي
وأنا اول مررررررره راح اطبخ عندهم وابي سفرتي تكون مميزه

وتسلمين يا قلبي


طيب ياقلبي المارس كم حبه احط؟؟؟؟؟؟؟؟؟؟؟؟؟؟؟؟

[رياح الصَبا]

ياحيا الله أنيسة ...صباحك قطعة حلا ...

يعني ماتبين حلا تبين وجبات رئيسيه أو جانبيه ؟؟

اذا خفايف أنصحك بكتاب أطباق النخبه جدا مفيد ومميز

وأذا ماعندك أقدر أنقلك منه بعض الوصفات اللي جربتها

تامرين أمر والله .........




وبالنسبه للحلا ...أنا عندي 25 حبة من الأصيصات

أستخدم لها 4 حبات مارس لأنها صغيره مره ..وبيكفيها ..


يعني حسب اللي بتسوينه ..!!!


صراحه الله يعينك ..أحسك مثل اللي داخل إختبار

يارب ييسر لك ويسهل لك..


الفزعه والله باللي تامرين فيه ..ابشري ..

[انيسة الروح]

يمكن الامتحان اسهل ههههههههههههههههههههههههههههههههه
طيب ياقلبي اذا ماعليكي كلافه ارسليلي اللي انتي مجربته ولذيذ
ومشكوره على اهتمامك ان شاء الله نردها لك بالافراح

[رياح الصَبا]

ابشررررررررررررررررررري ماطلبتي غالي ..

بانقلك كل اللي سويت منه فيه سلطات حلوه بعد


بس اروح للبيت الحين ان شاء الله وأنام .. ..والعصر بأذن الله

بأواصل معكِ بس شمري عن ذراعيكِ :s81:

واستعدي...الله يوفقكِ

[رياح الصَبا]

أنوسه عفواً تأخرت عليكِ

بس جبت معي طريقه بياكلون أصابعهم وراها

لا ومدعمه بالصور ....

طبعا الطريقه ملطوشه لكن الصورة من تطبيقي >> اسم الله علي


الفطائر الملونه ...



http://www4.0zz0.com/2008/11/15/14/601520838.jpg

المقادير :

في الخلاط .:
2 بيضة
2كوب ماء
2ملعقة كبيرة حليب بودرة
رشة ملح
رشة بهار
ملعقة صغييييرة ثوم بودرة

سوي هالخلطة ثلاث مرات :


الاولى:
اضيفي لها ملعقة كركم ليكون لونها اصفر


الثانية:
أضيفي عليها بقدونس او شبت اوكزبرة واضربيها فيى الخلاط
الى ان يظهر اللون الاخضر


الثالثة :
ملعقة كبيرة سماق للون الاحمر
اضربيهافي الخلاط


في نهاية كل مرة اضيفي كوب وثلاث ارباع او( كوبين)
دقيق ليعطي خلطة اخف من خلطة الكيك ...


طريقة الخبز :

اخبزيها في صينية البانكيك (المصابيب) الكهربائية



واحشيها بالحشوة اللي تحبين
ممكن تونة متسبكة بالبصل والثوم
او دجاج مفروم
لبنة بالزيتون او الزعتر
جبن فيتا بالبصل الاخضر للخضراء

عند الحشو الصقيها بمسحة جبن سايل ..

ورتبيها بصحن التقديم حسب ذوقك


ألف عافيه


السلطه قادمه أنتظرونا ..:s1:

[رياح الصَبا]

هذي السلطه نقلا من الكتاب خفيفه ولذيذه ...

سلطة الزهره بأعواد البطاطس

المقادير ::
2- حبة زهره متوسطه
ربع حبة ملفوف
4-علب بطاطس العيدان المالحه

الصوص::
2ملعقة مايونيز
2ملعقة خل
1ملعقة عصير ليمون


الطريقه ::
تقطع الزهره الى زهرات متوسطه وتقلى في زيت غزير
تفكك الى زهرات صغيره جدا
يقطع الملفوف الى شرائح رفيعة جدا
يخلط الملفوف والزهره وعيدان البطاطس لحظة التقديم
حتى لاتذبل البطاطس...

ثم تتبل بالصوص بعد خلطه ...


وألف عافيه أنصحك فيها لأنها خطيييييييييره ...

[انيسة الروح]

مشكوووووووووووووووووووووووره ألف شكر والله شكلهم لذيذ

بس أبسألك البطاطس الاعواد اللي يجي بعلبه قد الكف ومرسوم عليها اعواد بطاطس

[رياح الصَبا]

هي علبة تشبه علبة الفول المدمس بس أنحف >>الله من زين الشرح ..والله وصرت أطبخ ..!!!

المهم تلاقينه عادة بالبقالات مع الشيبس العادي

مكتوب عليه بطاطس عيدان ويجي منه حار وبارد ..


يسلم قلبكِ يااااااااااارب

[ّاللؤلؤهّّ]

ابشرررررررررررري ياأنوسه أن شاء الله أبررررررررررررد خاطرك ولا يهمك
فيه سلطه حلـــــــــــــــــــــــــوه ولذيذه
7
7
المقادير:
خس . همبرجر دجاج . خيار طماط(مقدار قليل).مكعبات توست مقليه. بصل أخضر . فلفل رومي ألوان (أخضر أحمر أصفر) جبن برميزان أو أذا مالقيتي حطي جبن كرفت المراعي بطاطس مقلي مكعبات
قطعي ا لبطاطس و التوست مكعبات واقليهن والدجاج اقليه وقطعيه مكعبات والباقي قطعيه واخلطيه مع بعض وحطي معه الجبن المبشور بعدين اذاجيتي تقدمينه حطي المقادير طبقات طبقة السلطة العاديه بعدين طبقه الدجاج المقلي يعني طبقة سلطه طبقة دجاج أخر طبقه تكون مكعبات التوست المقليه بعدين زيني الوجه على حسب رغبتك
وبالهناء,,
* صينية المصقعة البيضاء*
الطبقه الاولى

قطعي بصل وثوم احمسيهم بعدين حطي قطع دجاج صغيره حطي بهارات وماجي ابيض وحطي فلفل رومي

الطبقه الثانيه

اقلي بطاطس وباذنجان بعد ماتقطعينهم مكعبات كبيييييييره وضعي قليلا من الفلفل الرومي

الطبقه الثالثه

علبة قشطه 5 ملاعق جبن سائل
وفي الاخير دخليها الفرن من الاعلى حتى تتحمر

هذا اللي عندي ياقلبي وان شاء الله اجيبلك حــــــــــــلا
اتمنى اكون افدتك

[انيسة الروح]

مشكوووووووووووووره ياقلبي ماقصرتي

[صدى الذكريات]

اهلين انوسه
الله يقويك يارب وان شاء الله راح تطلع سفره معتبره
بس اهم شي التنسيق والاعداد المبكر
شوفي انا راح اقولك طريقتي اذا كانت عندي عزيمه وكيفيع الاعداد لها
فيه بعض الاطباق تسويه من الليل وقبل العزيمه
مثل ورق العنب والحلى
اما بالنسبه للاطباق الثانيه انصحك بالاطبق هذي لاني مجربتها
افخاذ الدجاج الكذابه
http://img138.imageshack.us/img138/8872/22wt2.jpg


المقادير..

3 قطع صدور الدجاج.
2 جرز مبشور.
2 بصل مقطع مكعبات صغيره.
1 حبه فليفله.
مكعب ماجي / بهارات مشكله/ فلفل اسود
عجينة بف بييستري / بقسماط / بيض

الطريقه...

نجيب مقلاه ونضع فيه شويت زيت ونحمس فيه البصل الى ان يذبل ثم نقطع صدور الدجاج بعد سلقها الى قطع صغيره ثم نضعها على البصل ويقلب ثم نضيف الجزر والفليفله والبهارات والماجي ونقلبه ونتركه لمدة 5 دقائق الى ان يذوب الماجي ثم نتركه جانبا..
نحظر عجينة الف باستري ونفرد كل قطعه لوحدها ونقطعها الى اربع قطع ناخذ كل قطعه ونحشيها بحشوت الدجاج ثم نلفها على شكل فخذ الدجاج ونضع في الاسفل حبة مكرونه او بطاطس مقلي ليعطي شكل الساق بس انا ماحطيت شي وبعدين تقمسين الافخاذ في البيض ثم البقسماط وبعدين ظعيها بالفريزر لمدة نصف ساعه قبل الغلي ثم تغلى بزيت غزير....

وترى الحشووه اختياريه اللي تبغى تضيفيه بامكاانك اضافته
وتقدري تسويها من الليل وتفرزنيها

[صدى الذكريات]

وسوي تبوووله اتوقع كل الناس تحب التبوله
ومحشي
طبعا تقدري تسوي محشي باذنجان وبطاطس بس انا احب الكوسه فقط
شوفي الطريقه
نغسل الخضار ونفرغه من الداخل

بطاطس_كوسه_باذنجان_فلفل بارد
الحشوه


لحم مفروم _بصل مقطع _فص ثوم_ بهارات_ كمون _ملعقه ملح_


حبه جزر مبشوره_ نص حزمه بقدونس _نص حزمه كزبره


كاس رز مصري مغسول_ فلفل باردمقطع صغير_حبه طماطم


تخلط كلها مع بعض
نحشي الخضار باللحمه

نحمس بصل وثوم ونضع عليه طماطم 5حبات

صلصه وماجي وبهارات وملح

نرص المحشي في القدر ونضع عليه ماء مغلي

ونتركه على النار الى ان ينضج
وان شاء تكوون عجبتك
وياليت تخبرينا عن النتايج

[الوان الحياه]

طييييييييييييييييييييييييييييييططططططططططططططط جيت انقاذ بس ادري اني متا خره بس يالله اتحفك بمافي جعبتي

اولا :صينيه خضار بالباشميل
الطعم خطييييييييير
الاعداد سهل مره

المكونات :
كوسا
بطاطس
جزر
باذنجان

الطريقه:
تقطع جميع الخضره مكعبات متوسطه بس اصغر من المتوسط واكبر من الصغير يعني في النص

ثم تغلي بالزيت

تعد طريقه الباشمل كالعاده
توضع الخضار المقليه في صينيه تقديم
ثم تسكب عليها الباشميل وترش المزرولا وتدخل الفرن
وبالهنا

ثانيا : سلطه الشاورما
دجاج صدور مقطع مكعبات ومحموس بكمون وملح ورشه فلفل
بطاطس مقطع صغار مقلي كطبقه اولي
بصل السلطات ....حطي شوي مو كثير مقطع حلقات
مخلل خيار كطبقه ثالثه
بعدين صبي خلطه ليمون وشوي خل وروب (زبادي)وملح ورشه فلفل
ثم الطبقه الاخيره البقدونس المفروم

وصحتين علي قليبكم

ثالثا:
في طبق وسبق اني طرحت وهو كور السبيغاتي بالباشميل
هذي حلو بعد
والطريقه كالاتي
سبيغاتي مكسره صغار ومسلوقه في ماء وملح وزبده

سوي حمسه لحمه عاديه يعني شقري البصل مع الثوم ومن ثم اضيفي اللحمه المفرومه اتركيها لتنضج في الاخير بهريها وطفي عليها ولا تنسين تدققينها او تفرقين الحمه عن بعضها علشان ماتتلكد او تتجمع علي شكل كتل

سوي بشمل بالطريقه العاديه

صفي السبيغاتي واخلطيها بالحمه مع الباشميل وكوريها علي شكل كور

ملاحظه لاتخلين الباشميل مره سايل ثقليه شوي

بعدين غمسي الكور ببيض بعدين بخصمات بعدين اغليها وبالهناء

كاني طولت عليك واذا في اجد بطرحه علي ارض الواقع ...قضيه ..خخخخخخخ

[رياح الصَبا]

ياعيني عليكم ياروائيات ..

وش رأيكم نسميها موسوعة الروائيات للفزعات ...:s92:

يابختك أنيسه باخواتكِ

لفتت انتباهي المسقعه البيضاء من ايدين اللؤلؤه >>يوما ما باجربها

وصدووي الغاليه أول مره أشوف الأفخاذ بالبف باستري
أحسها افضل من التوست اللي عادة أستخدمه ..

أكيد لذيذه وتقرمش مو من أيدينكِ ...يسلم قلبكِ والله ..كمان ابجربها ياارب


أما كرات السباغتي أحسها خطيره ..أن شاء الله يفتح ربي علي

وأسويها >> متى ؟؟الله أعلم ..

[انيسة الروح]

تسلمون ياقلبي على الفزعااااااااااااااات
ان شاء الله اردها لكم بالافراح
والله الصراحه خجلتوني بطيبتكم

يارب مانحرم منكم

[راجية عفو الله]

وعليكم السلام ورحمة الله وبركاته

هلا بك انيسة

عذرا على التأخير

عندى سفرة يحب دوما اعملها من وقت لاخر

مكرونه بشاميل و هذه الطريقة

http://www.rewaaa.com/vb/showthread.php?t=8793 (http://www.rewaaa.com/vb/showthread.php?t=8793)

شيش طاووق و هذه طريقته

http://www.rewaaa.com/vb/showthread.php?t=15487 (http://www.rewaaa.com/vb/showthread.php?t=15487)

و صانية بطاطس بيوريه

يعنى بطاطس مسلوقة و مهروسه و تقسم الى قسمين

يوضع القسم الاول فى صانيه ثم نضع لحم بالعصاج ثم نضع الجزء الاخر و نضع عليها بيضة مخلوطة بالملح و الفلفل الاسود

و ممكن تعملى معاهم لحم بفتيك او الى نوع من اللحوم

طبعا الى جانب السلطه

سلطه خضراء و سلطة بطاطس و مخللات و سلطة فاصوليا خضراء

و اى نوع من العصائر

و الحلو

كيكة البلح

http://www.rewaaa.com/vb/showthread.php?t=13839 (http://www.rewaaa.com/vb/showthread.php?t=13839)

كوكيز

http://www.rewaaa.com/vb/showthread.php?t=8158 (http://www.rewaaa.com/vb/showthread.php?t=8158)

حلى الباف باسترىhttp://www.rewaaa.com/vb/showthread.php?t=6652 (http://www.rewaaa.com/vb/showthread.php?t=6652)

ان شاء الله اكون افدتك و تكون السفرة عجبتك

و اى استفسار من عيونى يالغلا

[انيسة الروح]

تسلمين ياقلبي ((راجية عفو الله))

ماتقصرين وماقصرتي والله يعطيك ألف عافيه